近日在FB出現了一個貼文，是有關一位freelancer想聯同其他同業，向一直都追討不了拖欠酬勞的公司聯合聲討的事宜。
我倆算很幸運，工作多年來拖欠的個案不算很多，只有「數期」稍長的工作偶有出現，不過九成都可以十足收回。見到這些被出名無良的某幾間公司，拖足一年半載酬勞的個案，着實是深表同情。有些公司的確是故意拖數，但亦有一些是人為問題。
飛女的老友K小姐，多月前找飛女工作，然後隨即表示已把支票寄出，叫她盯實家中信箱等入票……時光飛逝，又過了幾個月，飛女某天跟K在吹水中，突然提到「你張票我仲未收到添」。其實只是一句輕描淡寫的說話，但似乎觸動到K的神經，K立即說：「唔講住，做嘢！」隨即掛線，令飛女有點驚訝，十分鐘後K WHATSAPP飛女，曰：「我查過會計部，可能是寄失了，今日會再出票。其實你住的那區是否天天派信？」即時令飛女覺得很搞笑！誠然我們搬家到新界區的村屋，可能是有點遠，但我們都如常收到賬單、信件，一張支票又怎會輕易寄失？再者，飛女說：「如果係平時，一講收唔到，K一定死撐說明明一早寄咗！」所以，明顯是K貴人事忙忘記了處理。原本是小事一樁，但K性格「唔衰得、唔話得」，就把事情推到郵差身上……做郵差的，真係辛苦晒！ 一男一女兩個資深副刊記者，N年前一齊下海撈散，從此不想再受公司制度束縛。