各位愛靚一族，以後買化妝保健產品更方便，因為屈臣氏全新嘅Tech-Fun玩美概念店，已於屯門市廣場開幕。Ray昨日去新店開幕禮，原來呢間舖係屈臣氏集團喺全球第15,800間分店，舖面空間大咗舒服咗，仲設有全港首部提供24小時購物體驗嘅Tap & Shop 24小時自助點購站，無論任何時候都可以買嘢。呢間概念店提供超過9,900款產品，集合超過730個健與美品牌，屈臣氏更提供多達450個獨家品牌供顧客選購。間舖仲設立咗多個顧客體驗區，顧客可以於彩妝專區入面嘅Lip Bar試用過百款唇膏。
店內有專業化妝師、註冊藥劑師、營養師、中醫師、健康顧問、美容顧問等團隊，結予顧客專業意見。大家亦可嘗試佢地嘅Meitukey專業智能皮膚測試服務，專人會根據你嘅膚質，再推薦合適產品。而只要購買彩妝產品滿指定金額，仲可以預約專業美容師嘅專業化妝或指導服務，學下點樣化靚妝，出街就更明艷照人啦。