香港人旅行大過天，有時就算只有兩日一夜，都要飛一轉台灣掃下夜市。不過，相比起走馬看花式的旅行，Ray就傾向選擇時下流行的深度遊體驗。康泰今年在新任行政總裁張雷(Raymond)的帶領下，積極開拓深度遊旅行團，其中一個烏克蘭12天團的行程可謂市場上罕見，不但會遊盡「鐵幕三國」摩爾多瓦、烏克蘭及白俄羅斯，更會安排深入切爾諾貝爾核電站。「切爾諾貝爾」平日睇新聞就見得多，如今有機會置身其中，既能窺探其昔日的面貌，又能令大家探索及反思核洩漏所帶來的影響，實在難得。而另一個深度遊旅行團仲會同「背遊達人」梁彥宗(Chris)合作，推出由Chris親自領隊及策劃的「背遊摩洛哥」之旅，希望一改大家對「背遊」就等於「窮遊」的刻板印象，嘗試一下享受與體驗並重的glampacking，更真實貼地感受摩洛哥的多元文化。
Raymond仲同Ray講，康泰推出的一系列深度遊行程，都必經佢本人親身實地到訪，確保具一定吸引力及安全性，並希望透過逐步開拓一些以往香港市場上少有的旅遊地點，帶鍾意去旅行的香港人走得更deep更遠。