由am730主辦、Good Morning class協辦嘅「第三屆全港中學學界廣告賣橋王」，昨日開始首日提案(presentation)，共有逾30支參賽隊伍，分別為兩大品牌商：ASUS華碩及中原地產創作廣告好橋。
與去年一樣，今屆同學嘅計仔同樣創意十足，內容又夠晒貼地，例如有多隊同學以近年大熱的電競為主題，從而帶出華碩品牌的特質；又有同學仔透過與家人的生活點滴，凸顯出中原地產應用程式好方便同實用。加上各隊嘅準備功夫非常充足，道具、PowerPoint、甚至西遊記造型都出埋，淨係呢點都已經加晒分。所以唔少評判都大讚，仲話如果同學再加以栽培，前途必定無可限量，我阿Ray分分鐘都要企埋一邊。之後仲有4日提案，相信同學仔嘅好橋仲會陸續有嚟！真係要拭目以待！