喺電台錄錄吓節目，忽然收到司馬至全，即是邵仲衡大哥WhatsApp我，佢傳嚟雲海嘅facebook post，話大台好似想開拍一套同《詭探》一樣講香港都巿傳說嘅劇集，然後留咗個哈哈笑emoji俾我………我唔敢講係咪咁啱得咁撟，飛機撞紙鳶，但又真係忍唔住搲頭，呢十幾廿年都冇人拍呢啲題材，我一諗到要響《詭探》大玩香港都巿傳說，將大家咁多年嚟嘅集體回憶同埋恐怖傳聞嚟一次大檢閱，對家就響呢個Timing話要開拍，咁啱又係劇集，唔 係綜藝節目，(吳若希高音)點解嘅？點解嘅？點解嘅？
啱啱《撒嬌》同《踩過界》先俾人讚話有少少改觀，吖！點知又搞單咁嘅嘢，幾多有心人響入面想做啲好嘢，都俾其他害群之馬累死啦………
無論雲海嘅facebook，定係我自己Fanpage個post，都有好多觀眾留言鬧爆佢地呢個跟風抄襲行為，但其實由當年《今日睇真啲》到各種咁啱得咁撟嘅雷同事件，都好清楚反映，數據唔會呃人，而我只能同自己講，如果你喺其他台做完一個作品，之後大台跟住你屁股嚟抄，你唔單止唔需要嬲，你更加應該同自己講，恭喜晒！你成功啦！可以BBQ慶祝啦！(跳起Yeah)
與其怪人地點解咁冇品，不如反問番點解我哋香港大部分嘅觀眾都咁有腰骨，又咁冇所謂，唔會因為呢個台嘅作品係抄人而杯葛唔睇，黑心食品你又照樣貪平貪方便塞入口，仲有咩好講？有點樣嘅受眾就有點樣嘅供應者，何需動氣？何必認真？
講真，雲海就唔會睬你㗎啦，其實我度《詭探》嗰陣都仲有好多料用剩嘅，不如你地直接聯絡我，我豪俾你地又點話？
#多謝tvb #有人抄就證明我地成功了 #係時候搞慶功 #談情說案 #創意喎 #幫你諗埋啦麥包加蔡思達囉想少啲人反感就肯定要用埋signal王
(圖片來源：雲海facebook
https://www.facebook.com/CHANWANHOI/photos/a.217813384927470.50209.197517173623758/1579022905473171/?type=3 )
