Ray好鍾意聽聖誕歌,報佳音就最啱心水,依家好多商場每年都會請合唱團獻唱。不過,講到與民同樂,海港城就成立全港首隊商場兒童合唱團「Sing Along Kids」,招募年滿5至10歲熱愛唱歌嘅小朋友,俾佢哋有機會喺商場公開演出。
家長如果覺得小朋友有潛質,可於本月29日(周日)下午3時至5時半,到海運大廈地下中庭(近Pizza Express)參與即場試音甄選,如果小朋友入圍,便會接受著名音樂訓練學校Red Vocal Academy提供嘅訓練,到12月17日就會作公開演出,屆時仲有機會與本地著名歌手同台獻唱㖭!
因為名額有限,到時記住預早15分鐘到場登記。如果嚟唔到,可以網上報名,只要將小朋友嘅姓名、年齡、聯絡電話,連同長約1分鐘歌唱表演短片的YouTube連結,電郵至[email protected],截止日期為本月31日。詳情可致電2118 8666或瀏覽www.harbourcity.com.hk查詢。