主打懷舊港式美食的敏華冰廳，最近分店開到山頂，Ray去山頂一帶遊樂後，又多一個打卡及食好嘢嘅地方。Ray一向欣賞敏華冰廳於平凡細節上花上心思，為客人呈現不一樣的冰室美食體驗，山頂廣場分店是敏華冰廳香港第30間分店，同樣將最地道的香港風味灌注於店面設計，一入門口就見到一面霓虹燈牆及仿纜車造型的車卡，旁邊是英式皇冠紅郵筒及充滿香港特色的街道指示牌，老香港情懷澎湃而來，真係唔影相打卡都唔得。
當然，食肆主角仍然是食物，呢方面敏華冰廳交足貨，招牌菜式「敏華黯然銷魂飯」以四片厚切半肥瘦的脢頭叉燒為主打，燒至燶邊焦脆，啖啖肉汁肉香，加上使用軟糯的金鳳香米、流心荷包蛋，秘製頭抽和香蔥油，滋味體驗無得輸。敏華冰廳山頂分店亦設有限定菜式，包括現場點燃玫瑰露酒的「火焰玫瑰鐵板叉燒」，頗適合打卡拍片，而滋味養顏的「黑松露蛋白厚多士」，Ray就鍾意於露天茶座欣賞風景時享用，簡直是人生一大樂事。
敏華冰廳山頂廣場分店資料
地址：山頂廣場2樓205號舖
電話：2380 8186 (FB：敏華冰廳 IG：menwah_hk)