早幾日介紹過昂坪360於今周五9月27日至11月10日推出「童遊時光」主題同遊人大玩懷舊，Ray今次又要再寫，原來佢地唔單止互動展覽玩懷舊，價錢方面仲激，推出港人限時優惠，以當年開幕日的88元懷舊價就可以購買一張昂坪纜車成人來回門票(標準車廂)，即係原價2百幾，而家一百蚊有找，抵！
懷舊價配合懷舊玩具主題，順理成章。香港居民只需於到訪當天在東涌纜車站票務處出示香港身份證正本，或持有合乎11歲或以下小童之香港出生證明書正或副本，即可以2006年開幕價88元購買成人來回纜車門票(標準車廂)，3至11歲票價45元，65歲以上長者票價68元。
講返個「童遊時光」主題，上次介紹咗個大小朋友都like的巨型扭蛋機，送出兩萬件玩具，Ray發現原來扭蛋機內不單止有多款特色復古玩具，還加碼放入限量88部SWITCH遊戲機、任天堂經典懷舊紅白機及經典迷你超級任天堂主機，一眾機迷豈可錯過黃金機會？七、八十年代是紅白機的世界，到今日的任天堂SWITCH，可謂是每個機迷愛不釋手的玩物，幸運兒將有機會抽出日版「任天堂懷舊迷你版紅白機」(價值470元)、激罕版「經典迷你超級任天堂主機」(價值510元)；重頭戲兼機界之王「任天堂SWITCH主機(香港版)」僅限量10部。運氣嘅嘢，唔試點知自己好運呢！