嚟緊禮拜日係由am730同中原地產、中原薈及香港盲人輔導會聯合主辦的「中原慈善跑嘉年華」舉行大日子，相信各位報咗名嘅跑手都已經準備好，精神抖擻齊齊參與，到時完成10公里、3公里或1公里的親子跑，流一身汗做運動又可做善事。
不過，呢個活動叫得做嘉年華，梗係唔止跑步咁簡單，其實現場有好多表演同攤位遊戲，適合一家大細或年輕人去趁下熱鬧，支持一下傷健共融。大會仲安排免費穿梭巴士，來回科學園金蛋側落客區及沙田火車站石排村落客區，方便市民到場。
講番個嘉年華，今次安排咗導盲犬到場，大家有機會親親導盲犬，影相留念，而攤位唔少得包括本地手作市集及視障人士手作物，更有免費絲印tote bag工作坊，及阿根廷美酒文化體驗，可謂多采多姿。最近hit爆的航拍攝影，Ray亦想認識多D，而有關航拍團體有個攤位，作示範體驗。 至於台上表演，有女子組合Bingo及王喜，而視障音樂家李軒會自彈自唱，真係總有一樣嘢吸引你去打打卡報到。
日期:2017 年1月8日 (星期日)
時間: 10am – 3pm
地點:香港科學園廣場(金蛋底)
免費入場
免費穿梭巴士(科學園金蛋側落客區↹沙田火車站石排村落客區)
網址:http//www.centalinecharityrun.org
