英超在香港時間周一凌晨上演榜首大戰，曼聯於主場迎戰榜首的同市宿敵曼城，竟然又同香港本土樂隊RubberBand有關，因為Now TV開咗個睇波派對，請咗曼聯名宿沙夏(Louis Saha)陪同超過150名曼市雙雄球迷，一同收看直播。而中場RubberBand獻唱兩首名曲《ALIVE》同《發現號》，現場球迷一同和唱，場面勁High，成員繆浩昌(6號)解釋揀選《ALIVE》是因為係佢哋唯一的英文歌曲，特意送給由遠道而來的沙夏，沙夏即場冧爆。RubberBand於送禮環節又送上一對雙節棍給沙夏，喜歡中國武術的沙夏即時表現興奮，仲即時表演兩招，全場起鬨。
講番RubberBand，都係Ray鍾意嘅樂隊，原來就快成立10周年，除了籌備下年演唱會外，更為Now TV創作人氣主題曲《撐得住》，同運動有關，夠晒勵志。
