之前同大家分享過乘務員port sick(請病假)的藝術，不少同事開心會port，唔開心也會port，好天落雨都會請假。但現在不要說請假，連工都無得返。肥珍連續7日無duty，算是同事中比較少的，最多聽過15日……話雖如此，但如果此時有大陸機的duty，返還是不返呢？
雖然現在很多航空公司都減了許多大陸航線，但並不等於無。自疫症爆發以來，封關的內地城市仍有航班來往香港，如北京上海等，因為香港的大門永遠為大陸而開。自從出roster，見到有工返是開心，但要是那絕無僅有的一班機是大陸，如何取捨？距離請假deadline還有兩小時，仍無法決定到底返不返，因為無論問現場觀眾還是五十五十，都係勸你唔好。但只有你自己知道銀行存款的數字，隨日日網購而每況愈下，加上有被公司秋後算帳的危機。還剩一小時了……不如返啦！其實每日都有機來回，大家都無事，我又點會中？但如果要中都好容易，飛機共用空氣又困獸鬥，加上現在復工潮，一中就係咁先，乘務員毋須強制隔離，家人和伴侶，還有大家的朋友同事，牽連甚廣。我將成為打邊爐家族續集，一個累全家。但無工開又無錢……唉，母親的抉擇。上次如此煩惱可能都係揀玄彬還是男朋友好……
時間飛逝，終於的起心肝決定保命先，但拎起電話，卻撳完又收線。
最後5分鐘……
肥、毒、宅的空中服務員。