第4屆「全港中學學界廣告賣橋王」經已圓滿結束，各項品牌大獎及技術獎項亦終於名花有主。Ray上周六都有去頒獎禮，仲同榮登新一屆盟主寶座，沙田官立中學嘅一班同學傾過，原來佢地係第一次參加橋王比賽，唔好話完全冇諗過會成為盟主，根本連入圍都未諗過。有獎攞已經好開心，點知驚喜一浪接一浪，攞完兩個品牌大獎同技術大獎都唔止，仲做埋盟主，所以當公布結果時，佢地都呆咗一呆，咁開心，攞完獎梗係要即刻打俾MISS做Live Chat報喜啦！當然，其他得獎嘅隊伍，表現亦相當好。想做學界廣告橋王？想有機會將自己嘅idea變做真廣告？咁就要留意住第5屆橋王嘅資料喇！
