呢排天氣熱到初夏變盛夏，所以未到6月已感覺似暑假，搞到Ray都提早留意有咩活動，海洋公園一定走唔甩，佢哋今年仲要推出全新「動夏嘉年華」，每小時都有精彩節目，肯定繽紛滿瀉！
首先梗係要介紹重頭節目，就係由海外精英表演團，分日夜場表演全新加勒比巡遊，日場就有表演者穿著華麗服飾扮海洋生物、野生動物及雀鳥，加上高蹺好手和動感樂手的落力演出；入夜後，就有穿著閃爍璀燦燈飾服裝的專業舞蹈員表演，肯定與遊人狂歡熱舞啦！
要每小時都玩到顛，當然要加埋其他節目，例如充滿南美風情的「火熱奇技大匯演」，亦有加拿大國家隊級別韻律泳團首次訪港演出「韻律水精靈」，仲有啱晒細路嘅「威威嬉水泡泡陣」等。今個暑假，又可以plan少一日節目了！