最近為亞視開台忙得交關的公關大哥曾醒明，仍不忙關心努力了30幾年的《送炭到泰北》慈善項目，今年更安排一項創舉，得到香港四驅車隊響應，破天荒循陸路駕車到泰北送暖，呢個禮拜尾出發，約年三十晚到達泰北。
曾兄話， 15輛四驅車、一行30幾人會於皇崗口岸出境、再經廣西、雲南、老撾、緬甸等地，車程4至5日，約年三十晚到達泰北，義工會於泰北過年，安排探訪當地孤兒院及學校等，代表香港人關心當年因戰亂流落當地的中國人。今次義工帶咗好多健康及體育用品過去，仲準備了近千個福袋做禮物。佢話呢班義工真係唔話得，出錢又出力，早前於北區學校招募學童手繪了過千張心意卡，又製作了幾百個手造布娃娃，希望探訪過程多些互動元素，等當地中國人亦感受到香港人嘅愛心同人情味。不過，曾兄最近已去過3次泰北，今次不隨行，留守香港。