潮流興拍片，唔好以為只係YouTuber、網媒嘅專利，所謂英雄出少年，唔少後生仔創意無限，只係差少許經驗同技巧。最近社創基金同香港青年協會M21合作，資助18至35歲嘅後生仔為其中10個獲社創基金資助嘅創新項目拍短片，每隊可獲最多3萬元資助。主辦單位更邀請咗前大台主播柳俊江同方健儀擔任星級紀錄片顧問，提供專業訓練，希望透過唔同媒介平台，令更多人認識有意義嘅社創項目。
睇番10支拍攝隊伍嘅背景，來頭絕對唔講得笑，有人拎過本地大專院校獎項嘅最佳導演，亦有人出戰台灣屏東國際旅遊電影節並榮獲最佳剪接，有人亦曾經同黃修平導演合作過拍攝短片，短片質素相當有保證。十條短片宜家已經喺唔同平台播放，包括社創基金YouTube頻道(https://www.youtube.com/user/SIEFund)、香港青年協會M21頻道 (https://m21.hk/socialinnovation/ )、myTVsuper頻道。