講起外賣仔，大家應該記得星爺經典電影《喜劇之王》扮外賣仔一幕，翠華餐廳就借咗呢條橋嚟拍廣告，搵埋形象健康貼地嘅張繼聰嚟飾演外賣仔，就係想講傳說中翠華創辦人堅係由外賣仔撈起，以呢段經典事迹紀念品牌50周年。
Ray昨日出席翠華嘅啟動儀式，見到腹大便便嘅藝人楊洛婷擔任主持，急call翠華外賣後，隨即就見到翠華榮譽大使張繼聰以外賣仔扮相現身，二人一同分享最愛翠華美食之後，張繼聰就獲行政總裁彭烱豪及執行董事李祉鍵送上餐廳的榮譽VIP卡，有得免費任食。
品牌歷經半世紀，慶祝活動當然唔少得送禮，就係翠華一系列廣告昨日在網上出街後，其fb專頁(www.facebook.com/Tsuiwahrestaurant)亦舉辦有獎問答遊戲，答中問題就可得到50元翠華消費券。