可以膽敢講一句，林鄭等人的好事多為，影響之深真的觸及每一個階層。
朋友說為了政見之別要忍痛跟一些老朋友割斷，在FB裡UNFRIEND兼BLOCK了他們。「佢哋好盲目咁撐一方，完完全全唔諗成件事點解會搞成咁……好心痛！」友情真的被林鄭一班人帶來極大的考驗呀！而我家的飛女，從前只會嘻嘻哈哈跟朋友吹水，但這三個多月來，漸漸變身成為「維園師奶」，在不同的CHAT GROUP內跟不同圈子的朋友談政事、講世情，完全應驗了「你不理政治，政治也會上門來找你」這句話。
前幾日飛女約了一位跟她深交的客戶P先生吃飯，飛女說：「P先生一坐低就同我講：『呢排咁少見到你喺FB留言嘅？平時好多嘢講喎……』我立即答佢：『因為BLOCK咗你囉！』因為我知道P的老闆為人相當藍，而我呢一段時間表現又咁黃，我費時因為喺FB嘅互動影響到P嘅工作，所以咪BLOCK咗P囉。」而最妙的地方是飛女完全沒有跟P先生提過以上的解釋，只是一聽到BLOCK這個字就完全心領神會，笑一笑就繼續食飯。難怪P先生這幾年愈做愈掂，醒目也！ 一男一女兩個資深副刊記者，N年前一齊下海撈散，從此不想再受公司制度束縛。