懷舊絕對係生意好橋。舊荔園雖然已經成為歷史，但2016年荔園重新定位，除了舉辦短期形式的遊樂項目，還首度衝出香港參與嘉年華活動。到今個夏天，荔園以全新概念推出茶餐廳，帶來有別於遊樂場的新體驗，並選址於尖沙咀加連威老道，6月8日隆重開幕，6月9日正式開業，延續樂園「簡單的快樂」精神。
茶餐廳佔地2,280平方呎，同時可容納73位食客，並設VIP特色間。叫得做荔園茶餐廳，梗唔少得天花上的旋轉木馬吊飾及拱形木吊燈，令食客恍如置身於迷你荔園遊樂場，而吉祥物老虎仔，繼續擔大旗，轉變成純白色的玻纖公仔，成茶餐廳大門「生招牌」。至於「招牌菜」，有久違了的荔園雞髀，並且首推「荔園招牌雞髀配豉油皇銀芽炒麵」。