港人追求「辣」愈來愈瘋狂，境界去到唔流淚、唔流鼻涕誓不休！Ray本身就唔太食得辣，不過，如果你嗜辣，可以參考下「法國藍帶美食協會」嘅辣麵食評，協會首度為亞洲區15款辣麵評分，嚴選「辣麵之王」，最高分嘅係來自中國重慶出品的嘅「金牌幹溜重慶小面」，攞到最高36分，連評判都大讚包裝靚之餘，醬料、配料齊備，好似置身於麵店食麵咁。台灣嘅「金博家蔥蔥回魂麵」僅以0.5分之差屈居第二，第3名係韓國的「SAMYANG Hot Chicken Ramen」，取得31.5分。
辣麵評判團由意大利、日本同韓國嘅3位名廚組成，從麵質、辣度、調味料包裝及整體味道評分。15款辣麵中，台灣出品佔咗三分一，而台灣手信必備嘅「KiKi椒麻乾拌麵」，都排第4，有30.5分。「本地薑」亦都唔輸蝕，「公仔炒麵王特色香辣醬味」以總分24.5分打入第八位。