近期流行「贏」，連零售業都係咁話，就好似屈臣氏咁，喺中環ifc mall開設全港首間Watsons bébé，除咗有註冊藥劑師提供專業意見外，環境亦舒適，為忙碌嘅父母提供全面貼心嘅產前護理及母嬰護理體驗，講明就係要「讓您輕鬆贏在懷孕前！」。
其實呢間舖嘅設計都好花心思，因為幫襯嘅都係孕婦及BB，所以最緊要係環境舒服安全，除咗全店用上柔和嘅粉色主調外，更使用無化學添加嘅綺麗環保木，加上店內播放輕鬆悠閒嘅搖籃曲，配合色彩繽紛嘅雲彩設計天花板等，簡直係BB嘅天堂。
不過，要吸引父母光顧，最重要都係產品，店內就匯聚咗全球逾1,500個大熱產品，分別來自歐美、日韓等地，當中更有逾30個獨家品牌，點都贏到媽媽歡心啩！