日本人氣熱爆的輕鬆小熊嘅粉絲注意，為慶祝輕鬆小熊15歲生日，7-Eleven與日本San-X攜手合作，一連3個星期，推出一系列萌爆精品換購，有佢地陪伴，日子過得特別開心。
第一浪由10月1日(下周一)起，率先推出輕鬆小熊系列立體手挽MINI BAG，四位賣萌主角輕鬆小熊、小白熊、茶小熊和小黃雞都有得揀，查實輕鬆小熊魅力無限，呢款MINI BAG更係以矽膠製造，耐磨損、無毒、容易清理，大人細路都啱用，可以用嚟收納鎖匙、耳筒及唇膏等雜物，亦可放八達通，手袋雜物從此井井有條。而且每款MINI BAG皆附有掛繩，方便抽出勾於手袋或手臂上，細節夠貼心。
10月1日起，於7-Eleven相關分店購物滿20元加59元換購茶小熊或小黃雞立體手挽MINI BAG一個，加99元可換購輕鬆小熊或小白熊款式，數量有限，換完即止。