辦公室生存術
只要看看同事一張辦公枱嘅「陣勢」，好多時已反映用者嘅處世態度。懂得生存之道者，大多都不會是那種枱面亂七八糟，因為人生之長遠快樂感，必須講求情商、智慧及性格，而亂本身就說明了這個人的多元能力如何。
職場人際成日俾人形容成無硝煙嘅戰場，但其實我哋需要嘅唔係兵法，而係重新諗下人與人之間點樣相處。對老闆聽命只是基本，能夠令老闆聽你分析嘅，是進階，最好當然是能為老闆解決問題，但在我多年職埸生涯，很多人都不明白這一點。反而會把自己的利益放在首位，例如比同事做多一點，就會呻到樹葉都落。呢種人永遠都只會係loser。
至於與同grade同事相處，就需要接受和而不同，各司其職，盡量不要比較。當然，工作時也常有一些喜愛show off，自命比你優秀的同輩，我通常都會採取愚者不懂的態度，旁觀就算。而對下屬，則最好君子之交，喜怒也要節制，能做到「這麼遠，那麼近」也是一種修為。
現代職場最大嘅陷阱就係將自我價值同工作表現畫上等號。文化研究學者、法國思想家福柯話過，現代社會用各種機制將人變成標準化嘅工作機器。
其實職人只是一個身份，appraisal與KPI是一套系統，但不須過分看重。有時候工作表現，不會與你的收穫掛鈎。 因為一間公司的人事組成相當複雜，而資源分配更有千百樣不須解釋的考慮因素。
喺辦公室入面，我哋都只係喺度練習一種特別嘅生存柔術——唔係用死力對抗壓力，而係用柔軟嘅招式同佢互動。喺辦公室森林入面，每個人都可以從心態上改變自己，把森林當成花園苗圃，自己就是花園嘅園丁，開拓一片俾心靈呼吸嘅綠洲。
記住：返工只係生活嘅一部分，唔好俾佢食咗你。識得審時度勢，處之泰然，先至係真正嘅人生贏家。