環境局長黃錦星昨日於Facebook公開今年首張電費單，收費係$0！大家冇睇錯，真係$0，因為佢一家30日的用電量只係70度，已經好低，再加上扣除特別回扣及「最惜節能優惠」等後，電費一個仙都唔使交。局長話自己一家幾口，去年人均每日用電約0.5至1.5度，對比現時香港家庭人均每日用電約4至6度，局長又真係用好少電。佢仲呼籲低碳轉型，人人有責！大家須各自加大力度慳電，減碳兼減電費。
黃錦星隨即於Facebook再向前天文台長林超英挑機，問林「收到最新電費單未？」。林超英就留言認輸，話自己屋企平均用電每人每日1.7度，多局長一家少少，主要因為雪櫃很舊，比不上局長的超慳電雪櫃，並解釋係「軍械競賽輸的，雪櫃還可用就丟了很可惜，為了環保，暫時選擇電費方面輸給局長。 『環保』真是複雜的事！」Ray覺得兩位都好環保，值得大家學習。