Ray近期相當有口福，事緣有越南胡志明市最美味牛肉粉美譽的Pho Le錦麗越南粉餐廳，於銅鑼灣世貿中心嘅港島區首間分店近日開始試業，昨日仲邀請am730同事品嘗招牌牛肉粉。一眾同事同埋社長一齊上去捧場試食，各人有唔同口味，差不多叫齊佢地菜單上面唔同口味嘅牛肉粉同越南小食。太興集團同錦麗高層Jojo同Tommy都有出席，真係多謝佢地嘅熱情招待。
Ray試咗碗咩都有嘅錦麗綜合粉，一次過試晒佢地嘅生/熟牛肉、牛腩同牛丸，加埋用牛骨、牛坑腩同其他調味料熬煮而成的湯底，真係牛味濃郁，記得試咗啖湯先，真係好飲。而且大家仲叫齊晒菜單上所有嘅小食，包括炸蝦餅、大蝦扎肉米紙卷、法式牛油雞翼、小米糕、生菜包春卷等，真係款款都咁好味。Ray就推薦香口又好食嘅法式牛油雞翼，同埋鹹中帶甜嘅小米糕，口味獨特。之後仲試咗正宗嘅越南滴漏咖啡。聽聞錦麗其他分店經常排長龍，世貿新店窗口位仲有靚海景，地點又就腳，都係早D去等位喇！
