漁民多在岸邊網曬蝦乾及魚乾，這情境才有離島風味。
蝦米乾身鹹香， 滾湯炒菜也可。 ($180/斤)
1. 圖左為赤米，味清香($250/斤) ；中為瀨尿蝦乾，味濃香($240/斤) ；右為紅蝦，味鮮香($280/斤)
2. 水佬名其為「明月曬乾」，意思指白飯魚要一日曬乾，隔日曬會變味。($260/斤)。
3. 左是有骨墨魚乾，右是章魚，最少要曬三日，全年皆有，農曆六、七月最當造。(墨魚乾，章魚$230/斤)
4. 長條黃鱔膠，膠身必有兩點血，多藥用燉湯，店主稱癌症患者食最好($3,600/斤) ；右為白花膠，腥味輕微，取自魚類魚泡，多用作煲湯或燉湯($2,800/斤)。
看日曆今已是年三十，相信各朋友正準備今晚的團年飯，團年飯中少不了食乾貨海味，長洲漁民(水佬) 亦會煮海味過新年，有蝦乾、魚乾、白花膠及黃鱔膠等，每一款的味道和煮法都不同。離碼頭行約15分鐘的亞恩海味，便能解決我的疑問，店主上岸前當漁民50多年，定會有一套心得，家嘗海味度新歲，樂戶安居慶豐年。
每見岸邊一排排網曬蝦乾，都會有一道道鮮香撲鼻，橙紅間白，粗條乾身，鹹鮮共融，其實蝦乾有分蝦米、赤米乾、紅蝦乾及瀨尿蝦乾。蝦米細小，鹹香惹味，蝦米混合了赤米仔及紅蝦仔，原隻連殼用熱水煮15分鐘，熟後曬兩日入袋用木條打碎蝦殼，篩走蝦殼後便是蝦米，可煮節瓜粉絲煲、蒸蛋；赤米乾及紅蝦乾外貌上皆相同，長身乾硬，兩者皆生曬，先用雪水浸20分鐘，用人手搣殼放在網上曬，再吹北風一日便乾，然而十斤蝦肉只曬得一斤蝦乾，外貌上難看分別，顏色上赤米深紅啞色，紅蝦鮮紅透白，味道則紅蝦鮮甜，赤米清香爽口硬身，可煮紹菜、滾湯；紅蝦腍口，焗飯、炒糯米飯及小炒皇一流；瀨尿蝦乾較少見，淺灰色長條，最長可有15厘米，亦是生曬，浸雪水人手剪殼，厚肉大隻，最少曬兩日才乾，15斤蝦只得一斤蝦乾收成，若曬不完全乾身，肉會變得很韌，肉質腍身不爽，蝦味則最濃，浸軟後可炒韭菜花或芽菜，亦可用油及豉油原隻蒸食，瀨尿蝦乾全年皆有，其他三款在農曆四、五月最當造。揀蝦殼已大有學問，魚乾更有分別，店主說：「年尾常曬白飯魚，但必須早上曬，入夜前要曬好，若隔日曬，魚味會不同，有異味。」七斤魚才有一斤魚乾，最好用蔥加糖、熟油及豉油蒸，魚乾還有章魚、墨魚、魷筒及吊片。章魚即是八爪魚，與墨魚一樣敞開魚身用竹枝撐起曬，章魚濃味，煲湯最佳；墨魚味道清香，除可煲湯外，還可用來炆豬手，店主說原隻炆會韌身，先切件加米酒「飛水」，炆後軟身入味；魷筒及吊片皆是魷魚，分別在吊片敞開魚身曬，魷筒則原隻曬，魷筒厚肉濃味，食時原隻飯面蒸，吊片薄身，可以原隻燒或切碎蒸肉餅，其他魚乾有皮菜、鱔仔及仔。
小檔今日仍繼續營業，初一休息，初二啟市，新年若去長洲旅遊者可以買些作手信回家煮。
一連五篇新年傳統美食搜尋已全部刊出，各位若跟着我的介紹辦年貨，相信定會過一個肥年，明天是年初一，先祝朋友身體健康、家肥屋潤、恭喜發財，馬年再見。(今早我會入長洲補辦年貨，到時有機會和各朋友碰面)
亞恩海味：長洲大興堤路14號地下
電話：9127 5822
四處搵食，尤喜懷舊食物，愛好下廚，搵人做白老鼠。