快快找出家中有關香港油蔴地渡輪的舊物件及相片，可以與他人分享之餘，兼可贏獎金及自助餐名額。咁著數，Ray都要坐言起行去參加。
香港油蔴地渡輪服務咗市民六十多載，是香港人的集體回憶。聽老一輩講，以前過海多數搭小輪，船下層載車，上層載人，幾乎每次上船都會去買碗餐蛋麵，食完就差不多落得船。如果你或你爺爺嫲嫲仲保存當年的回憶，記住參加洋紫荊維港遊舉辦「重拾香港油蔴地渡輪海上足跡 徵集活動」，向市民徵集由1923至1998年，油蔴地小輪相關嘅物品，包括相片、船票、餐單、宣傳/紀念品等等。喺12月31日前分享/捐贈相關物品，仲有機會可以贏高達2,000元獎金，以及多達6位嘅洋紫荊維港遊自助晚餐連6套紀念品，評審標準包括相片的紀念性及原創性、清晰度，相片或物品帶出的情懷、感染力及珍貴程度等。查詢：2802 2886
