雖然去澳門食自助餐係抵，但食得多有時都會悶嘅。坐喺度舒舒服服食住生蠔、飲住白酒等人serve靚扒，都係一種享受。
The Apron蠔吧扒房開業只有短短一年，餐廳位置唔多，如果唔一早訂枱，基本上都唔使旨意walk in有位坐。餐廳設有蠔吧同開放式grill爐，抵錫位係抽風系統好好，完全唔怕食到成身油煙味！睇住佢燒porterhouse就好似睇表演咁。喺香港食一塊porterhouse閒閒地over$1,500，呢度就當然唔使啦！肉味超濃嘅澳洲32日熟成西冷”Darling Downs”只係$268，話晒都係酒店餐廳，呢個價絕對抵食。而每日新鮮空運到貨嘅生蠔只係$18起，點食都唔肉赤！抵錫位2係呢度嘅職員全部都專業有禮，當你行到入餐廳完全冇idea食咩嘅時候，佢哋會細心有耐性咁同你講解每一款肉類嘅特質同味道。
老實講，當間餐廳咁爆場，職員咁忙嘅時候，未必真係個個都肯停低同你推介menu，唯獨The Apron嘅同事就做到足，服務態度一流呢！
The Apron│澳門路氹城澳門銀河綜合度假城地下G108號舖│ (853)8883-2221