這是世界上第一個空中舉行的杯麵發布會，儀式感少不了，除了有專業司儀，搶盡風頭的不是三哥的真人大公仔，而是在飛機上用字正腔圓的「譚仔腔」介紹最新杯麵特色的譚仔阿姐 「代代姐」。
一身紅色譚仔三哥制服的她用機艙廣播系統一開聲，馬上引起一陣騷動。全部乘客一致打開手機，將鏡頭對向代代姐。今天代代姐不是講大家都識聽的譚仔話「勿演畜生懶肉山小辣」，而是挑戰難度，讀出香港快運X譚仔三哥日清譚仔三哥麻辣湯味杯麵的新聞稿，真係令耳仔也懷孕了！
現場一頭霧水唔緊要，我用手機軟件的AI字幕程式，但是宇宙最強的AI用上了大數據，也不明白代代姐在講甚麼，例如介紹杯麵的時候，「呢個層面特別選用咗無油皮康嘅數碼丸，仲加入咗模擬爽口彈牙嘅棉被！多種好感，滋潤一生！連勁多唔食油嘅身份，都可以遣散得到！」
然後機艙內的觀眾就一陣歡呼！杯麵的香味傳來，大家就開始吃「無油皮康嘅數碼丸」！