同事仔笑CCASS

未生同事安迪最近炒中Bitcoin概念股，再過一關，身家再增1倍。但Bitcoin近日爆破，無股可炒，只有吹水。有天未生和安迪談起中央結算系統(CCASS)問題，一發而不可收。

迪：「呢排我成日見到網誌或者Facebook有班人成日求其推介股票，在CCASS隨便發現最多持股證券行不斷增持，就推論有大戶買貨，真心覺得他們好傻。」

生：「何以見得？我覺得他們看法都合理。因有些人只在一家證券行買貨，如他們增持，未來股價表現向好機會好大。況且就算係咁，只要留意到某堆證券行持股較多，也都可以明白隻股值不值得投資……」

迪：「投資一件事，賺吓快錢係另外一件，唔好扯埋來講，依家只是諗吓啫。有啲人可能用幾間證券行買賣，隨便搬貨，先分開收集貨源，把股價拉高，再用其中一間證券行買番晒其他證券行的貨，之後再用同一個藉口推股，可能真係有水魚游埋嚟。」

生：「但係咁樣要好多成本。不是一般人可以做得到。」

迪：「幾個有錢少少的朋友夾份可能已經有啦。再唔係，我仲有一招狐假虎威。根本在香港開證券行戶口真是好自由，我隨便去嗰啲持倉最大的證券行開戶口，將錢放入去，然後在第二間行先買賣，再用持倉最大證券行掛好多牌買貨，之後造成增持假象，有人買升嗰時就沽晒啲貨，仲唔和味過和味龍？」

生：「你又講得啱，用CCASS進行市場操控真係好易。只要不要太過分，引起證監會的注意到你的交易使市場過分異常，不利用證券及期貨條例第181條『與交易有關的資料』向證券行索取交易資料，你應該不會有大麻煩。」

迪：「我又發現了呢條財路，真係不發達也不行。」

生：「呢啲有些踩過界的事真係唔好亂做。況且最近香港證監會稱是國際大趨勢，再重提股票交易實名制，像中國內地市場一樣，計劃向每名投資者編配一個身份識別碼，方便證監會能實時識別交易的投資者身份，以更簡單找出內幕交易或市場操縱人士。我記得國內有些朋友話，國內證監會內部或有系統，已經可以將上市公司高管三代親友或敏感人士的交易紀錄抽出來實時監控，你話如果咁，插翼都難飛啦！」

迪：「看來風險幾大，都係咪搞。」

未生認為，CCASS確實是有一定作用，但萬勿跟車太貼，以免釀成意外。實名制後，雖然更易發現操縱，但只要行得正企得正，一定沒事發生。