兩大銀行滙豐和CITI，分別找了兩大天王來代言，sor，仲用「天王」這詞彙，是否太out呢？但尊貴的戶口、目標是尊貴的客戶，找來夠分量的代言人以顯身價，也是應該。
飯局中，我問兩個有資格開戶，又正準備開多一個銀行戶口的朋友，會否因為代言人而影響開戶選擇決定？
都答：不會。「揀銀行，唔係純粹揀形象，真係揀細節喎。服務、產品之外，梗係睇可唔可靠啦，咁可唔可靠，同代言人無關。」客戶真清醒。
另一個話，「如果兩個都可靠，如果一樣啦吓，就真係仲揀開戶推廣內容，回贈呀、現金獎賞嗰啲，邊個代言呢啲都好實際」。
真係廣告永恆真理之一：平日做形象，追數俾著數。
乜都係假，一出半價呀、送現金呀，即刻有客到！
然後我問，咁你兩個又話開離岸戶口，又話分散風險轉銀行，最後決定開邊間？
T：「我開咗CITI gold，順手離岸埋」，因為離岸所以揀花旗？佢話：「又唔係得晒，我老婆話，Leon個廣告講嘢冇咁作狀，自然好多，佢揀CITI」。
相關專欄︰美心無罪．代言有理
https://www.facebook.com/BudmingBudming IG:budmingbudming 逢周二至三刊登