冇人買樓收租租金會升到離晒譜

有收租佬同我講，現在是收租佬的艱難時期。租金下跌，利息上升，銀行調整貸款額款，令收租佬被迫賣走一些收租物業。但一般人可能不會察覺，在今次調整之後，唔會有咁多樓宇出租，租金就會節節上升，租金上升，就會帶動樓價上升。所以，收租佬如果捱得過這個浪，就會到達收租佬的黃金時間。不過話分兩頭，有不少收租佬在今個浪會被淘汰。

很多人不相信收租佬的黃金時間即將出現。其實，大家睇下住宅就知道，政府過去十幾年用辣招令到不少人不能買樓收租。到現在，樓價相比高峰時下跌了26%，但租金連升20幾個月，已經超越高峰時間，不少住宅租金回報已經超過4%，而且情況還會繼續下去，最後可能要出租管才可以解決租金上升問題。

有人話我危言聳聽，但事實的確如此。市場上已經很少人會買樓收租，因為門檻太高，取得銀行貸款不易。所以，即使政府撤銷辣招，不但沒有人炒樓，甚至連買樓收租的人都減少，所以，租金必定會繼續上升，仲會升到離晒譜。

本來租金是不會升到離譜，但在政府放寬優才，專才，投資移民以及學生來港之後，高質素人口急劇上升，那些人來港之後一定會租樓住一段時間，然後才考慮買樓，而令到打算租樓的人急增，租金冇辦法唔上升。故不少收租佬盡力維持手上收租物業，因為他們知道，風雨過後總會有晴天，租金必然會上升，而且升幅比樓價還犀利。不過，最緊要是捱得過這個浪。