C朗拿度過去一年真係大豐收，喺去年球夏天帶領葡萄牙奪得歐國盃冠軍後，喺剛結束嘅球季，攞完金球獎，又協助皇馬捧走西甲及歐聯冠軍，並以12球成為歐聯神射手，難怪遊戲商都要打佢主意，搵佢做FIFA 18遊戲封面人物。過往呢隻game經常搵美斯做封面，今次係首次搵C朗合作，佢哋將會同美斯做代言人嘅Pro Evolution Soccer打對台。相信唔少讀者們都有玩過呢個遊戲，佢嘅像真度相常高，仲可以同網上其他人一齊對戰，今次遊戲製作團隊更特意搵C朗幫忙參與motion-capture環節，務求喺遊戲中還原更真實嘅C朗。我亦有玩開呢隻game，遲下等新一代面世後，約埋讀者一齊對戰吧！
