人間有情

得悉巴甲球會查比高恩斯職球員坐嘅飛機不幸意外墜毀，深感惋惜。佢哋由巴西低組別小球會開始默默耕耘，從巴丙一路向上爬到巴甲，今季更升呢成為南美球會盃決賽隊伍。佢哋喺南美球會盃過關斬將，上星期至淘汰咗阿根廷嘅聖羅倫素殺入決賽，球迷都熱烈慶祝，對於突然其來嘅噩耗，當然感到難以置信及痛心。南美足協已宣布，比賽會無限期延期，決賽對手國民體育亦建議將今屆冠軍頒俾查比高恩斯作為致敬。一眾巴甲球會向巴西足總建議，未來3季無論查比高恩斯成績係點都可豁免被降班，而且願意免費借出球員，可謂人間有情。