西班牙中鋒迪亞高哥斯達上季喺車路士回勇，3年內第二度協助球會奪得英超冠軍，但自從今年1月傳出佢有意轉投天津權健後，佢同領隊干地嘅關係就轉差。今年夏天，干地有意回購盧卡古，若收購成功，將標誌著哥斯達喺車路士時日無多。呢位祖籍巴西嘅中鋒，可能係近代其中一位最出色射手，可惜佢俾人嘅印象係只向錢看，唔理球會以及前程。如果年初佢係想去更具競爭力嘅球隊，思變亦無可厚非，但如果係去中超踢波，就肯定係一大倒退，隨時國際賽生涯都會提早完結。本來佢喺車路士安守本份，就可穩佔「狂牛」大軍一席，出年去踢世界盃決賽周，但現時被干地放棄，真係自己攞嚟衰。
