柴醫在中學時，也遇到過各種暑期工陷阱，其中一份是電話訪問員。
去到才知道是傳銷/直銷類的工作，入到去聽講座，然後播音樂，講述一班人加入公司後發達買車去旅遊的短片，一路拍掌一路現身說法，氣氛比婚宴更加熱烈！
旁邊坐了一位阿姨：你好嫩口喔！
柴醫靦腆地説：係啊，中五畢業找暑期工。
結果不少在場菲傭也加入了這間公司，買了一些洗頭水或者甚麼沐浴露等，總之就是面試成功。
柴醫心諗：逢人必請的公司，有古怪！柴醫曾經幫小學生補習數學，學生個老竇，老婆走咗路，話送支洗頭畀我，就係呢個牌子，話畀人昆了，幾千蚊，買了一堆洗頭水，而家散唔到貨，送畀親戚朋友用，哈哈！
柴醫之後再去見另一份工，配音員。😏