何雁詩罕有重提捲入「小三風波」的事件。
何雁詩與鄭俊弘(Fred)結婚一周年，早前更補擺喜酒，二人甜蜜恩愛，但其實二人拍拖初期感情曾受很大衝擊。何雁詩日前接受陳志雲YouTube頻道節目訪問，當中她竟重提當年被指介入Fred與未婚妻成第三者的事件，還首次公開承認曾與謝東閔拍拖。
何雁詩與Fred 在無綫認識多年，直至簽約同屬唱片公司後，經常見面而產生感情:「當時我問佢咁我哋依家嘅關係即係點，不如我哋試吓喺埋一齊。」可惜拍拖後，Fred被傳媒踢爆原來有未婚妻，何雁詩罕有表示自己感內疚：「我係有唔開心同有內疚，令到另一個女仔唔開心，雖然當時我唔知，呢個係我自己嘅感受，我Guilty（有罪的），我覺得我唔係一個人嚟，我唔應該咁樣」
何雁詩又解釋自己當時根本不知道Fred有女朋友，更向傳媒表明「我清者自清」，直言自己當時說話「唔經大腦」，第三者事件轟動全城，大批記者連日留守她住所附近，有段時間她怕出街會畀人鬧，出入要借朋友的貨Van躲後座避記者，那段時間負能量及壓力大，並與Fred 互相支持，及靠父母買外賣，最後度過難關。
訪問中何雁詩更直認覺得Fred靚仔才喜歡他，陳志雲再問：「你係咪同過謝東閔拍拖？」何雁詩露出尷尬笑容未有否認：「我從來冇公開認過㗎喎！」，亦以一句回應：「佢係一個好好嘅男仔嚟嘅。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
