黎耀祥原本不用操肌。
無綫台慶劇《拳王》將接檔《星空下的仁醫》、於後晚(23日/周二)起逢周一至周五晚九點半播出。黎耀祥在戲中扮演早已退隱拳壇的成功商人「石傲山」，而他接拍《拳王》時已年屆56歲，照理沒必要像張振朗及朱敏瀚等操得如此辛苦，但為了一場44秒的回憶戲，祥仔專誠進行地獄式減肥及操肌，並在短短兩個多月內甩掉20磅，體脂率也跌至人生最低！
為了一場44秒的回憶戲，而勁減廿磅。
黎耀祥表示同事成為他的動力。
同事成減磅動力
祥仔笑指幸好自己當初操肌沒有半途而廢，否則便遭監製陳耀全(Andy)「賣豬仔」：「我試妝時好肥，咁我就開始節食同做運動，去到試造型時已減咗幾磅；點知之後就一直落唔到磅，我就同監製講『我未必修得咁好，可唔可以唔使除衫？』Andy當時話『放心！回憶戲可以拍大頭。』雖然監製咁講我係定咗，但我覺得都係唔可以放棄，因為同組其他演員都好努力！好彩我堅持咋，Andy到最後係成個身都拍晒嘅！」祥仔又指雖然操肌過程辛苦，但由於劇中所有男演員萬眾一心，大家又會無私分享操肌秘訣和心得，故此雖然辛苦但仍很開心。
黎耀祥囝囝正橋拍下這些照片。
黎正橋的攝影技術也不錯啊！
囝囝操刀照片
勁力十足的祥仔胸膛結實，腹部的朱古力肌亦頗為明顯，再配以「打到飛起」的姿勢，單看相片已能感受拳賽的可觀及刺激性。令人意外的是，該批劇照原來全部出自祥仔兒子黎正橋手筆，祥仔指囝囝13歲開始已愛上攝影，雖然相當認真鑽研，卻沒想過以此當職業：「因為佢想享受當中嘅樂趣。有時我開工佢會去影，因為佢鍾意有故事性嘅相，佢呢方面都幾有自己諗法。佢以前陪我開工嘅時候，都會同工作人員研究打燈嘅問題。」
立即更新/下載AM730手機APP 體驗升級功能
