沙律與保錡不時在網上放閃。
ERROR成員保錡與張沛樂(沙律)戀情曝光之後，但卻換來正印女友Carrie指控保錡一腳踏兩船，保錡隨即被網民冠上「賤男」稱號。雖然他曾在IG發文致歉，惟在直播時面對網民的批評及追問時，竟爆粗鬧爆網民，隔空罵戰令人譁然。不少網民要求花姐把保錡逐出ERROR，不要因為他個人而影響成個組合。
保錡在IG寫下長文，表示有感自己的行為影響了ERROR。
保錡今日在IG寫下長文回應過去的負面事件，提到在直播中爆粗回應網民，他說︰「我意識到一方面我之前處理感情嘅事做得唔好，另一方面，當晚直播嘅言行舉止係好唔啱，說話亦無尊重過人。呢啲全部都係我嘅過失，我要面對自己嘅錯，出嚟同大家再次道歉。」他又指凡有他的節目、訪問等，都因為他的行為而影響了ERROR另外三人及工作人員的努力，坦言「我嘅錯，應該由我自己一個去承擔。」
有感個人的行為影響了ERROR另外三位隊友，保錡決定完成手頭上的工作後，便會暫停所有工作，並不會參與任何節目及ERROR歌曲宣傳。他說︰「我認為咁樣係一個對我應有嘅懲罰，希望唔好累到其他兄弟，亦唔好因為我嘅關係而抹煞左所有人嘅心血。」
保錡一腳踏兩船，被冠上「賤男」，但真正導火線是他在直播中用粗口問候網民。
保錡稱作為ERROR一份子，自己破壞了ERROR的形象，他說︰「好對唔住，諗返呢兩年同三位兄弟嘅經歷，同193拍ERROR遊嘅時候好冇膽，由咩都唔敢，到最後都敢試；Dee哥係ERROR嘅talk show入面捱更抵夜咁幫我地度稿；肥仔一直都好鼓勵我做音樂，主動幫我爭取為ERROR寫歌；而家回憶返過去同三位兄弟一齊做嘢真係好珍貴，嚟緊ERROR嘅團歌，希望大家繼續支持佢哋。我知道保錡係大家眼中係一個毫無分寸嘅人，但希望下次大家再見到我嘅時候，會見到一個懂得尊重、願意承擔責任嘅人。我希望用行動證明。再次同大家講多次對唔住。」
網民不想ERROR解散。
保錡IG。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
