梁祖堯與許廷鏗擔任《造星IV》導師。
ViuTV的《全民造星IV》60強於上周誕生，但網民對於60強的結果大感不滿，不少大熱人選落選，有網民批評今次賽制「玩謝」大家，除了質疑評判、導師眼光之外，亦有人認為所謂的抽籤一對一比試是造馬，而梁祖堯更被網民狂鬧，指他偏心，只會挑熟人入圍，有網民直言「梁祖堯係最需要被調教」。
梁祖堯與B組的合照。
阿Ling因為年紀大而被網民認為她無資格入圍。
實力成復活條件先決
梁祖堯今日上載與B組成員的合照，並發長文回應網民的指控。對於有網民指為何不挑選部份高質參賽者復活，阿祖說︰「坦白講佢哋都真係喺當晚嘅討論名單裏面。不過果朝喺復活區做選擇嘅時候，我哋一致認為，要做到比賽公平，就要睇當晚嘅實力同表現先可能説服一樣喺復活區內而無被選中的參賽者。」
年齡大不是問題
阿祖指「觀眾緣都係軟實力嘅一種」，但在節目拍攝時，根本無法以此衡量，因而與觀眾的期望出現落差，他也很心痛︰「感覺上真係放棄了一些原來非常得觀眾歡心嘅表演者。」對於挑選年紀大的阿Ling及方方入圍，他說︰「必須要講句公道說話，你有權話呀ling雖然年紀大，有權覺得佢唔係女團人選，但係當晚佢嘅壓台感實在比好多其他參賽者優勝，雖然我哋係認識，但係佢10年以上嘅舞台經驗就係為佢帶來表演氣場嘅原因，我相信呢一點大家都冇辦法否認嘅，而復活區內我認識嘅人亦唔止佢一個。而點解39歲就唔可以追夢？復活方方，同樣因為舞台實力。」
梁祖堯被網民批評偏心。
有網民認為梁祖堯最需要被調教。
比賽難做到公平
阿祖承認比賽是沒可能做到公平︰「表演，從來沒有輸赢，只有喜歡不喜歡。表演，從來難以用一個客觀標準去評定。就同點解有人鐘意食芫荽一樣，鐘意就鐘意，唔鐘意就唔鐘意。再加上呢個比賽有個先天缺陷，就係喺1廠(即係表演場地)同2廠(即係參加者等待出場嘅地方，大家都係睇電視)會有一種落差，因為可能喺鏡頭面前睇，啲表現可能好好，但係係真實一廠空間，睇住班表演者喺面前表演，就會另外一樣嘢。」
迴響大節目已成功
最後阿祖表示︰「大家看得咁肉緊，證明這是一個十分成功嘅節目，全民造星係一個不可多得嘅平台，希望大家繼續支持這一班努力追夢嘅女仔！追夢的旅途注定不容易行，付出和收穫也永遠不會成為正比，但見到你哋堅毅向前，真的非常非常尊敬，在你們身上亦學習了很多！繼續用好嘅表演去說服大家！」
相關新聞：
全民造星IV | 60強誕生 4孩之母Ling成功復活晉身 網民鬧爆梁祖堯唔公平
全民造星IV | 要向友台搲撈 ? 193胞妹郭嘉盈止步96強
梁祖堯回覆網民留言。
梁祖堯回覆網民留言。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
