ViuTV新劇《季前賽》除了有MIRROR成員姜濤、陳卓賢(Ian)、呂爵安(Edan)和邱士縉(Stanley)，以及ERROR的肥仔和193主演外，還邀請了張繼聰參與演出，他在劇中將會扮演熱血籃球教練，他透露其角色有點「癲癲地」，所以名為「喪波」。他笑言自己仍有機會參與拍攝青春偶像劇，雖然只是扮演教練，但也是他的一個里程碑。
張繼聰在劇中扮演教練。
與ViuTV合作感新鮮
張繼聰表示早前與劇中演員一齊圍讀劇本及排戲，覺得他們都很聰明和努力，期待開拍時的火花，能拍到一部精彩作品。問到今次與ViuTV合作的感覺如何，他搞笑表示不用過將軍澳隧道，「係好有新鮮感，我當自己係一個新人。演員身份首次合作，但幕後班底之前拍電影已經合作過。我成日同自己講當係新人，可以發揮好啲，冇咁多無謂包袱。」
張繼聰又指以往在無綫拍劇時也有圍讀，對他來說兩者差別不大，而今次製作班底都是拍開電影，估計今次的製作會傾向電影方式。他表示與姜濤、Edan、Stanley、肥仔、193及Yoyo有較多對手戲。
張繼聰視自己為新人，與ViuTV合作大感新鮮。
收工回家扮學生
提到太太謝安琪為囡囡按摩，問到他有沒有試過太太的手勢，他笑說︰「冇喎！我太太主力幫小朋友按，我個女又唔使返學，要係咁諗唔同節目俾佢，始終呢兩、三年都冇點去其他地方。老婆依家開始教佢彈琴，我收工之後好忙，我個女又鍾意扮老師上堂，我返到屋企就要上堂。」
相關新聞：
季前賽｜Yoyo處女拍劇 唔怕同MIRROR、ERROR成員傳緋聞
張繼聰與姜濤、Edan及Stanley較多對手戲。
🎁 amJetso請你睇《焚城》，快Ｄ開APP玩👇 👇
