Jer憑《狂日人記》奪得叱咤專業推介第六位。(柳應廷IG)
《2021年度叱吒樂壇流行榜頒獎典禮》已圓滿結束，MIRROR成員柳應廷(Jer)憑《狂日人記》首次打入叱咤十大，現場收放自如的演唱廣獲好評。Jer今日凌晨在社交平台發文，感謝曾因Mirror重新留意香港的每一位，感謝MIRROR兄弟陪伴他走過亂流，並勉勵大家振作，最後寄願香港樂壇定可再定可再踏世界舞台。
Jer首先表示，「感謝曾經因為Mirror重新留意香港的你。2021年，無錯大家都經歷過很多，但我生於這城市，很愛這地方，大家要重新振作~」接著他回顧過去一年有關MIRROR的談論，「無論好與壞，我哋Mirror每一位，由選擇出道果(嗰)一刻，就算面對洪流，都唔會退縮。」
Jer先後在新城頒獎禮、倒數演唱會和叱咤頒獎禮唱《狂日人記》，唱功愈見進步。(柳應廷IG)
感激MIRROR共同進退
在頒獎台上特別多謝《狂人日記》作曲人吳林峰的Jer，逐一多謝曾經因為Mirror，留意不同的音樂創作單位的樂迷、重新投資「本地新晉音樂人」的公司們、重新留意娛樂圈和支持不同產業的每一位，他指出，「其實未必每一位都一定要消費支持，但每人嘅一個小小行動，留意多一下香港，同朋友討論多一下~音樂圈，娛樂圈就會因為咁而推動。」事實上，去年，MIRROR各成員都先後跟不同新晉音樂人合作，包括Gareth T.(湯令山)、樂隊One Promise、Tyson Yoshi等，整個樂壇愈來愈百花齊放。
最後，當然少不了一班共同進退的MIRROR兄弟，Jer表示，「好想多謝Mirror每一位兄弟，教識我咩係表演，仲同我係亂流中一齊走過，我愛你哋。」身為樂壇新晉的一份子，他充滿信心的寄願，「香港樂壇一定會愈黎愈好，我哋做嘅作品、做嘅表演，一定可以再次踏上世界舞台。」
Jer唱《狂日人記》入型入格，獲樂迷大讚。(柳應廷IG)
Jer感激MIRROR兄弟陪他走過亂流。
Jer完整發文如下：
「感謝曾經因為Mirror重新留意香港的你。
2021年，無錯大家都經歷過很多，但我生於這城市，很愛這地方，大家要重新振作~
多謝呢一年，曾經討論我哋嘅每一位你哋，無論好與壞...我哋Mirror每一位，由選擇出道果一刻，就算面對洪流，都唔會退縮。
多謝曾經因為Mirror，大家會留意身邊不同的音樂創作單位，佢哋每一位都好正嫁……搵佢地做歌喇。
多謝曾經因為Mirror，重新投資「本地新晉音樂人」的公司們。今年其實多咗好多新人，live show，大家都會入場睇同支持，好開心!!
多謝曾經因為Mirror，重新留意娛樂圈，會買我哋影嘅雜誌、留意我哋身上面每一樣產品，支持唔同大小本地產業嘅每一位你哋。
其實未必每一位都一定要消費支持，但每人嘅一個小小行動，留意多一下香港，同朋友討論多一下~音樂圈，娛樂圈就會因為咁而推動。
最後，好想多謝Mirror每一位兄弟，教識我咩係表演，仲同我係亂流中一齊走過，我愛你哋。
香港樂壇一定會愈黎愈好，我哋做嘅作品、做嘅表演一定可以再次踏上世界舞台。」
出道3年的Jer在舞台上漸見收放自如。(柳應廷IG)
立即更新/下載AM730手機APP 體驗升級功能
