黎瑞恩大女出國升學。
現年48歲的黎瑞恩，14年與曾智明離婚後，獨力湊大一對仔女。黎瑞恩在10月時曾貼出大女Sheree中學畢業的照片，原來大女決定到外國升讀大學。日前，黎瑞恩親自送機並貼出母女擁抱的合照，並寫道：「希望幾個月之後可以見啦，俾心機，加油」，貼文卻惹來網民極大迴響，並斥責她為「漢奸」，情況有如早前歐陽震華在微博分享聖誕節祝福一樣。
貼文惹來海量留言圍插。
解釋反而焫著網民
貼文雖然有人送上祝福，但亦有不少網民好奇她為何送女兒到澳洲留學：「點解唔喺中國讀書？」、「口就表忠，做就另一套！」黎瑞恩則回應：「首先佢讀嘅科目中國係無嘅。最重要係佢已經大個喇，作為父母只可以引領佢走正確嘅方向，而佢亦都有權去選擇自己嘅路點行。」但她的回覆似乎焫興更多人，有網民唔收貨，繼續追擊：「哪種學科中國欠缺」、「要去外國學人地啲好嘢？」
黎瑞恩回覆：「學完返嚟咪回饋祖國囉」。
黎瑞恩：施主請回
黎瑞恩回覆：「嘩，咩事咁熱鬧呀，點解唔可以外國讀書呢？唔使出動到漢奸咁緊要呀，真係俾你哋笑死我呀。正因為有d科目無，所以咪要去學囉，學完返嚟咪回饋祖國囉，咩事咁大反應呢？」最終黎瑞恩無奈表示：「各位充滿憤怒嘅施主，你哋放下啦，唔好嘥咗寶貴嘅時間啦。苦海無邊，回頭是岸，施主請回，我唔會再答你哋㗎喇，多謝光臨。」
相關新聞：
黎瑞恩晒囡囡中學畢業照： 好快甩難
群情洶湧，最後黎瑞恩無奈叫網民放下。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
