一名聲稱於6月13日辭職的前輔警，於網上討論區開post，講述任職期間的所見所聞，更明言「希望你哋唔好再對警察抱有任何期望。」
這位署名「好仔唔會當差」的網民，形容警員是「一班好吃懶做嘅人，平時行咇8個鐘，有7個鐘喺差館蛇竇就係人都知，唔多講，即使有call接，佢哋第一時間唔係諗點樣解決問題，而係諗點樣可以令佢做少啲嘢。」
他又舉出例子，假設發生涉及襲擊的案件，在場警員會「諗辦法嚇到個受害人唔追究，同你講驗傷要等幾耐幾耐，對方如果話番你打佢，就要拉晒返差館再慢慢查，查完都未必夠證據告得入等等，總之會用盡一切方法令你唔想再追究。」毋須開設檔案。
有網民留言，萬一與警員爭論時應如何應對，「好仔唔會當差」表示：「最簡單就係一路拍片，可以嘅話就搵有法律知識嘅人陪伴。」他解釋，因為大部分警員都不熟悉法律，「搵個真係熟(法律)嘅人，佢哋就會怯，金鐘搜身單嘢就係好例子。」他補充因為當時與楊岳橋對質的警員太怯，所以「無啦啦跳掣話人搞佢後面」。
amJetso請食南記堂食一人牛乳火鍋 立即按此參加👇
