網上熱話｜櫃員機頂有錢冇人執？網民：唔係呢間銀行出 (屯門友@fb)
去櫃員機撳錢最怕唔係排長龍，而係撳完錢唔記得拎。社交網站fb近日流傳一張相，可見櫃員機頂有人遺下一大疊「錢」，但所有經過的人，就算睇到都唔敢拎！何解？因為呢疊「錢」唔係畀你使！
近日有網民在社交網站專頁「屯門友」上載一張相片，可見櫃員機頂上有一疊「金銀衣紙」，並留言「邊個撳完機唔記得攞」。相片引來網民熱議，有網民笑言「唔使排隊換嘅新鈔」、「金牛呀，最弊唔係呢間銀行」，亦有網民笑指「入錯銀行」，甚至稱要做良好市民，路不拾遺將「錢」帶到警署報失。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
