有美孚新邨住戶將雜物放在屋外走廊。(網民Harvey Tsang@FB群組「Mei Foo 美孚」
如果隔離屋搬屋或裝修，咁關唔關你事呢？梗係關啦，尤其係如果個鄰居將雜物擺到出門口阻塞走廊，唔單止有礙觀瞻及引起衛生問題，萬一走火警時就大件事。
網民Harvey Tsang在Facebook「Mei Foo 美孚」群組貼出一張相，顯示美孚新邨其中一個單位外放滿雜物，幾乎霸佔成個走廊；樓主仲好黑色幽默發文：「屋企裝修，煩緊雜物唔知放邊好？唔緊要，放喺走廊咪得囉~」行文中感覺到佢係好無奈，而且應該係投訴無門。
帖文一出當然引來排山倒海負評，批評嗰位將屋外走廊當係儲存倉的住戶「離晒譜」、「無賴」、「勁自私」；亦有網民笑指「夜冷舖」、「睇下有咩啱用拎返去用」；有人則提議以其人之道、還治其人之身，「夜晚搬去塞佢門口都好！」不過，大部分留言均著樓主直接報消防，並提供消防處投訴熱線及荔枝角消防局電話。
立即更新/下載AM730手機APP 體驗升級功能
