今年賣樓最後機會？七師傅：樓市跌勢呈L型 恐現1997至2002年翻版
去年已預告今年樓價會跌的風水師七仙羽(七師傅)，日前接受一個Youtube channel訪問時再度指，今年應該賣樓，「再唔賣就冇機會㗎啦」，更表明「未來香港樓市會呈L形跌市，樓市會好似1997年至2002年翻版，大家嘅財產會蒸發五成左右」。
七師傅先指，以往銀行借貸「有錢賺」，但現時銀行都「唔敢借錢」，透露銀行內部有不少精英去做評估及分析後市，顯然看到未來的市場情況「唔對路」，恐怕日後出現壞帳情況，所以現時銀行都紛紛收緊樓按貸款「唔肯借錢」。
負資產情況更惡化
她稱，自己一早已提醒「唔好搞咁多嘢」，不要入市，直至今日仍然不看好樓市，坦言「依家應該賣樓，再唔賣就無機會㗎啦」，預測樓市未來會呈L形下跌，現時樓市仍處於略高位置仍未到底，樓價跌完再陰乾，「有排都未跌完」，將來好多壞帳，破產、失業、倒閉等問題出現，會好像「1997年至2002年(大跌市)翻版，大家嘅資產會蒸發五成左右」，而且樓市負資產情況將更惡化，估計「是1997年的3倍」。
另外，由於全球經濟環境來年仍未理想，七師父提醒不要買外國樓，因為外地法律並非人人明白，除非是移民置業，否則不要冒險投資。
amJetso 🎁送馬哥孛羅酒店賀年糕點 按此參加👉
