2022-01-12 15:30:00

蘇Mi點上車｜當蘇慧音遇上施永青蘇施對決父女「乒」

有冇諗番起你自己3歲半嗰陣係做緊乜？當年3歲半嘅蘇慧音Minnie，喺爸爸薰陶下開始打乒乓波，4歲人仔已經攞人生第一面獎牌。

除咗佢，爸爸、媽媽、家姐同細佬都係乒乓高手，全家人攞過嘅獎，幾個櫃都擺唔晒，Minnie保守估計，淨係佢自己打咗廿年波，夾夾埋埋都攞咗成200面獎牌同獎盃，當然最珍貴就緊係上年嘅奧運銅牌啦！

打咗咁多年比賽，同Minnie對戰嘅都係世界級好手，不過最近有一場友賽，對手就比較特別。早前Minnie拍住爸爸蘇俊華，同地產猛人施永青父女打咗場友誼賽，施永青同人打吓牙骹就叻啫，打波就肯定唔夠Minnie兩父女嚟，所以施永青賽前都話：「因為強弱懸殊所以唔會有壓力，如果只係爭少少，都仲話有機會搏一搏啫！」賽後Minnie同爸爸仲應製作隊要求，即場打咗場表演賽添！

究竟蘇氏父女會大數施氏父女幾多分呢？呢個蘇施配又有乜火花呢？

相關影片：