因乜解究奧運女將蘇慧音Minnie，有波唔打走去做sales呢？是咁的，Minnie喺美國打完世錦賽，上個月返嚟香港隔離期間忽發奇想，同家姐開檔仔賣自家設計嘅貓貓狗狗精品，為愛護動物協會義賣。
大家睇過《蘇Mi點上車》第一集，都「見識」過兩姊妹夾手夾腳執房有幾成功，今次記者跟咗佢哋去第一日開檔，發覺佢哋兩個同之前比都「差無幾」。喺球場上膽色過人，眼神凌厲嘅Minnie，做起sales嚟反而變咗「怕醜草」，手忙腳亂兼笑料百出。不過做善事就點都抵讚嘅，好多粉絲行過見到Minnie都會主動埋嚟幫襯吓。所以話呢，Minnie要成功上車，都係俾心機打好波啦！
講開上車，記者同Minnie睇過啟德新區啲新盤，結果佢俾嗰區啲樓價「嚇窒咗」，今集記者會同佢去馬鞍山，睇吓一啲又近體院，價又啱，景又靚嘅盤。想知啱唔啱佢心水？請收睇今集「中原地產特約：蘇Mi點上車」！
立即更新/下載AM730手機APP 體驗升級功能
