外界認為澤尻嘅事業已宣布玩完。
澤尻被捕前3小時喺夜店玩到顛。
33歲日本女星澤尻英龍華喺上星期藏毒被捕，警方喺佢於目黑區寓所搜出含有MDMA成份搖頭丸，澤尻承認毒品係佢擁有，仲自爆已有10年毒癮。據日本傳媒報道，澤尻之後見律師，話嗰兩粒搖頭丸係幫DJ男友保管，不過有傳澤尻男友想將罪名攬晒上身，希望可挽救女友事業。
藏毒事件發生後，多間傳媒留守澤尻寓所，希望見到澤尻同佢媽媽，其實都估到唔會見到，相信兩人已一早搬離寓所。另外，NHK電視台已宣布另找女星代替澤尻主演嘅大河劇《麒麟來了》，不過澤尻已拍咗10集戲份，所以《麒麟來了》將會延遲播出。
限時早鳥優惠 火速訂位 | am730母親節溫馨晚宴 $5000福袋等你拎!
