早排推介嘅《命懸2000呎》香港觀眾反應唔錯，似乎呢類以逃出生天為題材嘅刺激片大家都buy，今日介紹另一套。
呢套法國片Blast講述喺烏克蘭完成任務嘅拆彈專家Sonia，喺巴黎一個地下停車場，同一對仔女上咗自己架車之後，發現車上有計時炸彈，並且安裝咗重力感應，要走冇咁易。Sonia搵同事幫手，佢地只有30分鐘時間拆彈，否則唔止一家人有危險，連上面座樓都會冧！
呢類橋段，30年前奇洛李維斯成名作《生死時速》都玩過，先設定一個危機，然後一班人一齊解拆，中途又會遇上唔少局限同危難。就係靠呢種喺限時內「遇難題 － 解拆」模式不停運作，帶出刺激氣氛，娛樂性一流……條橋冇bug的話。而且場景有限，人物角色亦盡量少，好處係咩？成本夠平！
參考《拆彈雄心》
導演承認故事有參考《拆彈雄心》，然後以片中幾個角色同埋一個停車場場景，營造壓迫感同恐懼。Blast今年喺英國 Grimmfest 電影節首映後備受好評，仲拎埋最佳導演獎。呢套戲喺台灣月底會上映，香港暫時未有聲氣，不過應該有買手睇中。
原文刊登於 Yahoo娛樂LOL，am730獲授權轉載
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
